இன்றைய ராசிபலன் (02அக்டோபர் 2021) :

 

இன்றைய கிரக நிலை அடிப்படையாக வைத்து மேஷம் முதல் மீனம் வரையிலான 12 ராசிக்காரர்களுக்கும் இன்றைய நாளுக்கான ராசிபலன் எப்படி உள்ளது என்பதை பார்ப்போம்.

மேஷம்

    சொத்துக்கள் வாங்குவது மற்றும் விற்பது தொடர்பான காரியங்களில் உள்ளவர்களுக்கு வெற்றி கிடைக்கும் .பொருளாதாரத்தில் நல்ல முன்னேற்றத்தைக் காணும் நாளாக இருக்கும்.

மாணவர்கள் கல்வியில் நல்ல முன்னேற்றத்தை அடைவார்கள். உயர்கல்வி கற்றுக் கொண்டிருப்பவர்களுக்கு புதிய வாய்ப்புகள் கிடைக்கும். படிப்பு முடிந்து வேலைக்காகக் காத்துக் கொண்டிருப்பவர்கள் நல்ல தகவல்கள் கிடைக்கப் பெறுவார்கள்.

ரிஷபம்:

    சுபகாரிய முயற்சிகள் வெற்றியடையும் நண்பர்கள் மற்றும் உறவினர்களால் ஆதாயமும், மனமகிழ்ச்சியும் உண்டாகும். உங்கள் பேச்சிற்குச் சமுதாயத்திலும் குடும்பத்திலும் நல்ல பெயர் கிடைக்கும்.

பொருளாதாரத்தில் சிறிய அளவு பற்றாக்குறை இருந்து வந்தாலும் திறம்பட சமாளித்து வெற்றி அடைவீர்கள். மாணவர்களுக்கு கல்வி நன்றாக இருக்கும். உயர்கல்வியில் இருப்பவர்களுக்கு முன்னேற்றமான பல புதிய பாதைகளில் தென்படும்.

மிதுனம்:

    ஆடை ஆபரண சேர்க்கை உண்டாகும் நீண்ட நாட்களாக தாமதப்படுத்தப்பட்டு வந்த சொத்து தொடர்பான பிரச்சனைகள் முடிவுக்கு வருவதற்கான உகந்த நாளாகும். வீட்டிற்குத் தேவையான பொருட்கள் வாங்குவீர்கள்.

மாணவர்கள் கல்வியில் முன்னேற்றப் பாதையை நோக்கி செல்வார்கள். புதிய படிப்புகளுக்கான கல்லூரிகளில் சேர்க்கை கிடைக்கும். கல்விக்காக வெளிநாடு செல்ல முயற்சி செய்து கொண்டிருப்பவர்களுக்கு நல்ல நிகழ்வுகள் இன்று உண்டு.

கடகம்:

    உடல் நலம் நன்றாக இருந்து வரும். கணவன் மனைவி ஒற்றுமை சிறப்பாக இருக்கும். சுபகாரிய முயற்சிகள் வெற்றியில் முடியும். சொத்துக்கள் வாங்குவது மற்றும் விற்பது தொடர்பான முயற்சிகள் நன்மையில் முடியும்.

விசா தொடர்பான காரியங்களை வெற்றிகரமாக முடிக்கலாம். புதிய நண்பர்கள் அறிமுகம் ஆவார்கள் நண்பர்களால் ஆதாயமும் அனுகூலமும் உண்டாகும். குழந்தைகளால் மகிழ்ச்சி உண்டு. குழந்தை பாக்கியத்தை எதிர்நோக்கி இருப்பவர்களுக்கு நல்ல செய்திகள் கிடைக்க வாய்ப்பு உள்ளது.

சிம்மம்:

    சொத்துக்கள் வாங்குவது மற்றும் விற்பது தொடர்பான விஷயங்களில் ஈடுபட்டு உள்ளவர்களுக்கு நன்மை உண்டாகும். சொந்தத் தொழில் செய்பவர்கள் முன்னேற்றம் காண்பார்கள். ஆழ்ந்த தூக்கம் இல்லாததால் உடல் சோர்வை உணர்வீர்கள்.

நண்பர்கள் மற்றும் உறவினர்களால் செலவினங்கள் அதிகரிக்க வாய்ப்பு உள்ளது. மனதை நிம்மதியாக வைத்துக் கொள்ளுங்கள், விநாயகர் பெருமானை வழிபட விக்கினங்கள் விலகும்.

கன்னி:

    எதிர்பார்த்த பணவரவு வருவதால் புதிய தொழில் முயற்சிகளைப் பற்றிய சிந்தனைகள் மேலோங்கும். உத்தியோகத்தில் இருப்பவர்களுக்கு நல்ல முன்னேற்றம் ஏற்படும்.

உங்கள் திறமையை மீண்டும் நிரூபித்து ஒரு சிலருக்கு விரும்பத்தக்க இடமாற்றம் ஏற்படுவதற்கு வாய்ப்பு உள்ளது. திருமணம் தொடர்பான காரியங்களில் வெற்றி கிடைக்கும்.

காதல் வலையில் விழுந்து இருப்பவர்களுக்கு மகிழ்ச்சியான வாழ்வு உண்டு விஷுவல் மீடியா மற்றும் கலைத் துறைகளில் இருப்பவர்களுக்கு உங்கள் முயற்சிக்கு ஏற்ற அங்கீகாரம் கிடைக்கும்.

துலாம்:

    வாகன வகையில் சுபச் செலவுகள் உண்டாகும் உத்தியோகத்தில் இருப்பவர்கள், முன்னேற்றத்தைக் காண்பார்கள். உறவினர்களால் ஆதாயம் உண்டாகும். பெண்களுக்கு இனிமையான நாள். ஆடை ஆபரண சேர்க்கை கிடைக்கும்.

காதல் வலையில் விழுந்து இருப்பவர்களுக்கு இனிமையான சந்திப்புகள் உண்டு. குடும்பத்தில் உள்ள மூத்தவர்களுடன் ஒற்றுமை நன்றாக இருக்கும். உடல் ஆரோக்கியம் சீராக இருந்துவரும்.

விருச்சிகம்:

    உத்தியோகத்தில் இருப்பவர்களுக்கு பணிச்சுமை சற்று அதிகமாக இருந்தாலும், நிர்வாகத்தில் நல்ல பெயரை பெற்றுக் கொள்வீர்கள்.

கணவன் மனைவி ஒற்றுமை அன்னியோன்னியமாக இருக்கும். வீட்டிற்கு தேவையான மின்சாதன பொருட்களை வாங்குவீர்கள். சோசியல் மீடியாவில் அதிக நேரத்தைச் செலவிட விட வாய்ப்புண்டு என்பதால் இவைகளில் கவனமாக இருப்பது நல்லது.

பெண்கள் தொடர்பான வகையில் ஆண்களும், ஆண்கள் தொடர்பான வகையில் பெண்களும் சற்று விலகி நிற்பது நல்லது. காதல்வயப்பட்டு இருப்பவர்களுக்கு பிணக்குகள் வர வாய்ப்புண்டு என்பதால் பேச்சிலும் செயலிலும் சற்று நிதானத்தை கடைபிடிப்பது உங்களுக்கு நன்மையை கொடுக்கும்.

தனுசு:

    இன்று உங்கள் ராசிக்கு சந்திராஷ்டமம் இருப்பதால் செலவினங்கள் அதிகரிக்க வாய்ப்பு உண்டு. குடும்பத்தில் ஒற்றுமை நிலவும். சொந்தத் தொழில் செய்பவர்கள் கூடுதல் கவனத்தை தன்னுடைய தொழில் மீது திருப்ப வேண்டி வரும். உத்தியோகத்தில் இருப்பவர்களுக்கு பணிச்சுமை ஏற்பட்டாலும் நல்ல பலன் உண்டு. வாகன வகையில் ஆதாயம் உண்டு தனவரவு இருக்கும்.

ஒரு சிலருடைய தாயாரின் உடல்நலம் லேசான அளவில் சிரமத்தைக் கொடுத்து சுகத்தை நல்கும். குழந்தைகளால் கல்விச் செலவுகள் அதிகரிக்கும். உத்தியோகம் மற்றும் தொழிலில் மறைமுகப் போட்டி அதிகரிக்க வாய்ப்பு உண்டு. இருப்பினும், இன் முகத்தாலும் இனிய சொல்லாலும் அனைத்தையும் வெற்றி காண்பீர்கள்.

மகரம்:

    காதலில் ஈடுபட்டு உள்ளவர்களுக்கு தங்கள் பெற்றோர்களுடன் திருமணத்தைப் பற்றிய பேச்சு வார்த்தையை இன்று துவக்கலாம். சகோதர சகோதரிகளுடன் ஒற்றுமை நன்றாக இருக்கும். மற்றும் நண்பர்கள் உறவினர்களால் ஆதாயம் உண்டு. மகிழ்ச்சியும் இருக்கும். சேவை தொழிலில் ஈடுபட்டு உள்ளவர்களுக்குக் கூடுதல் பணிச்சுமை இருக்கும்.

பெண்களுக்கு கணவன் மனைவி இடையே சிறு சிறு பிணக்குகள் ஏற்பட்டாலும், பிற்பகலுக்கு மேல் ஒற்றுமை உண்டு. வேலை தேடிக்கொண்டிருப்பவர்களுக்கு நல்ல செய்திகள் வந்து சேர வாய்ப்பு உள்ளது. அரசியல் மற்றும் அரசுத் துறைகளில் உத்தியோகத்தில் உள்ளவர்களுக்கு மேலதிகாரிகளின் அழுத்தம் அதிகமாகும்.

கும்பம்:

    நேயர்களுக்கு இன்றைய நாள் நல்ல நாள் ஆகும். சந்திரனின் சஞ்சாரம் சாதகமாக இருப்பதால் நீண்ட நாள் ஆசை நிறைவேறும். உத்தியோகத்தில் உள்ளவர்கள் வேலையில் முன்னேற்றத்தைக் காண்பார்கள். சொந்தத் தொழில் செய்பவர்களுக்கு புதிய வாய்ப்புகள் கிடைக்கும்.

தகவல் தொழில்நுட்பத் துறை ஆயில் அண்ட் கேஸ் மென்பொருள் துறையில் உள்ளவர்களுக்குப் பல புதிய வாய்ப்புகள் கிடைக்கும். சிலருக்கு நாடு விட்டு நாடு மாறுவது போன்ற சிந்தனைகள் செயல்பாடுகள் இருக்கும். இவைகளில் வெற்றி காண்பீர்கள்.

மீனம்:

    நேயர்களுக்கு இந்த நாள் ஒரு நல்ல நாளாகவே இருக்கிறது. தொழில்துறையில் நல்ல முன்னேற்றம் கிடைக்கும் எதிர்பார்த்த பணவரவு உண்டு. உறவினர்கள் மற்றும் நண்பர்களால் அனுகூலம் உண்டு. உத்தியோகத்தில் இருப்பவர்களுக்கு நல்ல முன்னேற்றம் உண்டாகும்.

தாங்கள் விரும்பத்தக்க இடமாற்றத்தை எதிர்நோக்கியிருப்பவர்களுக்கு நல்ல தகவல்கள் கிடைக்கும். விசா தொடர்பான காரியங்களில் இருப்பவர்கள் முன்னேற்றம் காண்பார்கள்.